रातो क्रान्ति- प्रकाश बञ्जारा “बिहानी”
on April 29th, 2009
दु:खले साझँ चल्हो बाल्नेहरुसँग
एक धरो दश ठाँउ टाल्नेहरुसँग
वर्गियताको भाषण ठोक्नेहरु हो
खबरदार,
यहाँ रातो क्रान्ति सुरु हुँदैछ र
सर्वहाराको स्वामित्वको लागि
भो
सुकम्वासीको बासको लागि
इन्कलाब जिन्दावाद
त्यसैले त फेरि भन्नु पर्छ
इन्कलाब जिन्दावाद
आइन्स्टाइन्सको विज्ञान रटेर
माओको क्रान्ति घोकेर
दुर्दशाको जप लाउनेहरु हो
याद राख्नु
यहाँ आगो बल्दै छ
कहिल्यै ननिभ्ने गरी
तर नआत्तिनु
समुन्द्र सुकिसकेपछि बल्नेछ
मुहानहरु घामले पट्पटि फुटेका हुनेछन्
कसरि भनेर आश्चर्य नमान्नु
किनकि यो रातो क्रान्ति हो
अन्यायको विरुद्धमा
अत्याचारको विरुद्धमा
यदि कसैका
विशाल महल छन् भने
होश गर्नु
चहर भत्किने छ
खम्वाहरु
कम्जोर हुदै जानेछन्
काहरुको गाँसको लागि
फलामहरु खियापरिसकेका हुनेछन्
अन्तत: महल ढल्नेछ
महल ढल्नु भनेकै शोषक ढल्नू हो
शोसक ढल्नू भनेकोहाम्रो जित हो
चुप लागेर बस्ने होइन
सहने होइन उठ्ने समय हो यो
अलिनो भात खानेहरुसँग
अनिंदो रात काट्नेहरुसँग
सँघियताको भाग माग्नेहरुहो
खबरदार
विभाजनको नाटक रचेर
बास हुनेहरुको घर नभत्काऊ
क्रान्ति तिमीमाथि खनिन सक्छ
किनकि यो रातो क्रान्ति शुरु हुँदै छ
विखन्डनवादीहरुको विरुद्धमा
राष्ट्रियताको वध गर्नेहरुसँग ।
खोटाङ्ग हाल: कतार